Ireo sakafo tsara ohanin'ireo marary aty

Ireo sakafo tsara hohanina matetika mba hanampy ny aty

-Ny tongolo gasy 

Mampihena ny menaka ratsy izy io. Misy ilay singa « allicine » sy « sélénium » izay manana fahafana miaro ny aty amin’ny voka-dratsin’ny poizina.

-Ny papelimosy 

Mamono ny singa mety mahavoa ny homamiadana sady mamono ny poizina ao amin’ny aty ny ranona papelimosy. Misy singa antsoina hoe « naringénine » ao anatiny, izay manampy ny aty amin’ny fandoroana ny menaka tafiditra ao anaty.

-Ny karaoty 

Feno « glutathion » ity legioma ity. Tsara hanina manta, indrindra raha ampiarahina amin’ny motarda.

-Ny dite maitso 

Misy singa antsoina hoe « catéchine », izay manakana ny fanangonan'ny vatana menaka ao amin’ny aty. Tokony hisotro dite maitso in-telo isan’andro mba hahazo ireo tombontsoa entiny.

-Ny zavoka 

Feno « glutathion » ihany koa izy ity. Manampy ny aty hiasa tsara sady manadio ny vatana amin’ny poizina ihany koa. Na dia mihinana zavoka iray na roa isan-kerinandro fotsiny aza mandritra ny 1 volana, dia hahita vokatra tsara.

-Ny tamotamo 

Manampy ny vatana handevona ny menaka sady mamporisika ny aty hamokatra ranon’afero tsara ny tamotamo. Sakafo matanjaka amin’ny fanadiovana ny ao anaty izy ity.Manasitrana ny sela marary.

Toerana ahitana azy anosy ampitan'ny instat na eny alohan'ny carlton amin'ny sisindalana na koa any amin'ny petite vitesse